Vcare Henna Natural Powder How to Use in Tamil
ஹென்னா ஹேர்டை: இந்த பொருள் சேர்த்தா முடி ரொம்பநாள் கருப்பா இருக்கும்..
S Dhanalakshmi | Samayam Tamil | Updated: Mar 25, 2020, 8:52 PM
முடி பிரச்சனை முடியாம நீண்டுக்கிட்டே போகுது இதில் அவ்வபோது இளநரை வேறு எட்டிபார்க்கிறது. இந்த இளநரைக்கு தீர்வாக என்ன இருக்கு என்பவர்களுக்கு முதலில் கைகொடுப்பது மருதாணி பவுடர் தான்.
ஹைலைட்ஸ்:
- மருதாணி சிவப்பும், அவுரி இலை கருநீலமும் கூந்தலுக்கு நிறத்தை நீண்ட நாள்கள் வைத்திருக்கும்.
- இளநரைக்கு பராமரிப்போடு இரும்புச்சத்து நிறைந்த உணவும் அவசியம் என்பதையும் கவனியுங்கள்.
மருதாணி இல்லாத ஹேர் டை என்பது இல்லை என்று சொல்லுமளவுக்கு பயன்படுத்தப்படுகிறது. காரணம் இவை பக்கவிளைவையும் உண்டாக்காது. கெமிக்கல் டை போன்று விரைவில் நரையை தெரியபடுத்தாது. பலருக்கும் ஹென்னா ஹேர் டை என்றால் நல்லது என்று தெரியும். ஆனால் வீட்டில் ஹேர் டை தயாரிப்பின் போது இதனுடன் கலக்கும் சில இயற்கை பொருள்கள் கூடுதலாக தலைக்கு கருமையை தருவதோடு நாள்பட்ட நரைமுடியையும் போக்கும். அப்படி பயன்படுத்த வேண்டிய பொருள்கள் என்ன என்பது குறித்து பார்க்கலாம்.
கரு கரு, பளபள கூந்தலுக்கு 100% கியாரண்டி தரும் இயற்கை பொருள் இதுதானாம்...
மருதாணியை இலைகளாக பறித்து அப்படியே அரைத்து பயன்படுத்த முடியாது. அவை தலைக்கு போடுமளவுக்கு மைய விழுதாக அரைத்து பயன்படுத்தமுடியாது. மருதாணி இலை கிடைத்தால் காம்பிலிருந்து இலையை நீக்கி நிழலில் உலர்த்தி பொடித்து மெல்லிய வெள்ளை துணியில் சலித்து வைத்துகொள்ளுங்கள். அல்லது நாட்டு மருந்து கடைகளில் கிடைக்கும் மருதாணி பவுடரை வாங்கி கொள்ளுங்கள். மருதாணி பவுடரை வீட்டில் தயாரித்தாலும் மூன்று மாதங்களுக்கு மேல் அதை வைத்திருக்க வேண்டாம்.
அவுரி பொடி. இது நீல நிறத்தை கொடுக்ககூடியது. தற்போது இளநரை பிரச்சனைக்கு இதையும் சேர்த்து பயன்படுத்துகிறார்கள். முதலில் மருதாணி டையை உபயோகித்து தலைக்கு தேய்த்து குளிக்க வேண்டும். கூந்தலை காயவைத்ததும் மீண்டும் அவுரி இலையை தேய்த்து குளிக்க வேண்டும். இதனால் கூந்தலின் நிறம் மாறும். தொடர்ந்து போடும் போது கூந்தலின் நிறம் நிரத்தரமாக மாறக்கூடும். பலரும் பயன்படுத்தி பலன் கண்டிருக்கிறார்கள். ஆனால் இதை தனியாக எடுப்பது தான் கூந்தலுக்கு நல்லது என்றாலும் மருதாணியுடன் கலந்து எடுக்கும் போது மருதாணி சிவப்பு நிறமும், அவுரி இலை கருநீல நிறமும் இணைந்து மேலும் கூந்தலுக்கு கருமை நிறத்தை தரும். இந்த ஹேர்டை முதலில் இளநரையை குறைத்து முடியின் நிறத்தை படிப்படியாக கருமையாக்கும்.
மருதாணி பவுடரையும் அவுரி இலை பொடியையும் சம அளவு கலந்து எடுத்துகொள்ளும் போது அதனுடன் நெல்லிக்காயை கருப்பு நிறம் ஆகும் வரை வறுத்து மிக்ஸியில் அரைத்து பொடியுடன் கலக்க வேண்டும். இதனுடன் இரண்டு டீஸ்பூன் கெட்டித்தயிர், வெந்தயத்தூள் 1 டீஸ்பூன், கால் தம்ளரில் 5 டீஸ்பூன் தூள் கலந்து வடிகட்டி அனைத்தையும் முன் தினம் இரவு இரும்பு வாணலியில் கலந்து வையுங்கள். இரும்பு வாணலியில் வைக்கும் போது கூந்தலுக்கு கூடுதலாக போஷாக்கும் கிடைக்கும்.
உச்சந்தலையில் கொஞ்சம் அழுத்தமான மசாஜ் கொடுங்க. சட்டுனு டென்ஷன் குறையும்.. பட்டுனு முடியும் வளரும்... .எப்படி தெரியுமா?
மறுநாள் காலை தலையில் (எண்ணெய் இருக்ககூடாது) கூந்தல் சுத்தமாக இருந்தால் தான் டை பயன் முழுமையாக கிடைக்கும். அதே போன்று டை அடிப்பதற்கு முன்பு கூந்தலை சிக்கில்லாமல் வைத்திருங்கள். கூந்தலை பகுதி பகுதியாக பிரித்து அனைத்து இடங்களிலும் படும் படி போட வேண்டும். கைகளால் அல்லது பிரஷ் கொண்டு கூந்தலின் ஸ்கால்ப் பகுதியிலிருந்து வேர்ப்பகுதி வரை தடவ வேண்டும். பொதுவாக இளநரை பிரச்சனைக்கு அந்த இடங்களில் மட்டும்தான் ஹேர் டை பயன்படுத்த வேண்டும். ஆனால் ஹென்னாவை பொறுத்தவரை கூந்தல் முழுமைக்கும் பயன்படுத்தலாம். வேர்ப்பகுதியில் கூந்தல் பிளவு உண்டாவதும் குறையும். வெந்தயம் சேர்ப்பதால் கூந்தல் பொலிவு கூடுதலாக கிடைக்கும்.
இதை தலையில் தேய்த்து 30 நிமிடங்கள் முதல் 1 மணி நேரம் வரை கழித்து கூந்தலை அலச வேண்டும். உடல் குளிர்ச்சி இருப்பவர்கள் கூந்தல் அலசும் போது கெமிக்கல் இல்லாத ஷாம்புவை பயன்படுத்துங்கள். மாதம் இருமுறை இதை பயன்படுத்தினால் இளநரை பிரச்சனையிலிருந்து விடுபடுவீர்கள்.இளநரை இல்லாதவர்கள் கூட மூன்று மாதங்களுக்கு ஒருமுறை இதை பயன்படுத்தலாம். முடி கருமையாக இருக்கும். இளநரை விரைவில் எட்டிபார்க்காது. கூடவே கூந்தல் கருமைக்கு உதவும் கறிவேப்பிலை இரும்புச்சத்து நிறைந்த உணவிலும் கவனம் செலுத்துங்கள். கூந்தலுக்கு போதிய ஊட்டச்சத்து பராமரிப்பின் போது மட்டுமல்ல உணவின் மூலமும் கிடைக்க வேண்டும் என்பதை மறந்துவிட வேண்டாம்.
Tamil News App: உடனுக்குடன் உலக நிகழ்வுகளை உங்களது சமயம் தமிழ் ஆப்பில் நொடியில் பார்க்கலாம் முக்கியச் செய்திகள் மற்றும் புதிய செய்திகளுக்கு Samayam Tamil ஃபேஸ்புக்பக்கத்துடன் தொடர்ந்திருங்கள்
இந்த தலைப்புகளில் செய்திகளை தேடவும்
Web Title : how to mix henna powder for grey hair at home
Tamil News from Samayam Tamil, TIL Network
Vcare Henna Natural Powder How to Use in Tamil
Source: https://tamil.samayam.com/lifestyle/beauty/how-to-mix-henna-powder-for-grey-hair-at-home/articleshow/74815744.cms